कृषी विज्ञान केंद्र, छत्रपती संभाजीनगर-१ व भा.कृ.अनु.प - राष्ट्रीय एकात्मिक कीड व्यवस्थापन संशोधन संस्था, नवी दिल्लीच्या शास्त्रज्ञ व कृषी विभागाच्या अधिकाऱ्यांचा सहभाग
कीड व रोग निरीक्षण व व्यवस्थापनासाठी शास्त्रज्ञ शेतकऱ्यांच्या बांधावर
वसंतराव नाईक मराठवाडा कृषि विद्यापीठ कृषी विज्ञान केंद्र पैठण रोड, छत्रपती संभाजीनगर तसेच भा.कृ.अनु.प - राष्ट्रीय एकात्मिक कीड व्यवस्थापन संशोधन संस्था, नवी दिल्ली यांच्यामार्फत छत्रपती संभाजीनगर जिल्ह्यामध्ये आंबा, मोसंबी, तूर या पिकातील एकात्मिक कीड व्यवस्थापन प्रकल्प राबविण्यात येत आहे. या अनुषंगाने सद्यपरिस्थितीतील विविध पिकांचे कीड व रोग यांचे निरीक्षण व त्यांचे एकात्मिक व्यवस्थापन याबद्दल मार्गदर्शन करण्यासाठी भा.कृ.अनु.प - राष्ट्रीय एकात्मिक कीड व्यवस्थापन संशोधन संस्था, नवी दिल्ली येथील शास्त्रज्ञांच्या चमूने विविध ठिकाणी भेटी देऊन मार्गदर्शन केले. यामध्ये प्रमुख शास्त्रज्ञ मा.डॉ.अजंता बिरा, शास्त्रज्ञ मा.डॉ.प्रभू नारायण मीना, मा.डॉ.राघवेंद्र, मा.डॉ.मुकेश खोकड यांचा सहभाग होता. यांच्यासोबत पैठणचे तालुका कृषी अधिकारी मा.श्री.विकास पाटील, कृषी विज्ञान केंद्र, पैठण रोड, छत्रपती संभाजीनगरच्या प्रमुख शास्त्रज्ञ मा.डॉ.दिप्ती पाटगावकर, विषय विशेषज्ञ मा.डॉ.संजूला भावर, डॉ.बस्वराज पिसुरे, उप कृषी अधिकारी मा.श्री.वाघचौरे सर, सहायक कृषी अधिकारी मा.श्री.चौधरी सर, मा.श्री. कुसळकर सर, केव्हीकेचे कर्मचारी श्री.जयदीप बनसोडे, श्री.प्रमोद जाधव, श्री.किशोर शेरे आदी अधिकारी, कर्मचारी यांनी दिनांक २४ व २५ जुलै २०२५ रोजी या दोन दिवसात पैठण तालुक्यातील धनगाव, पाचलगाव, बोरगाव, वाहेगाव, वरुडी (बु), वडवळी इत्यादी गावांमध्ये जाऊन शेतकरी मार्गदर्शन कार्यक्रम व शेतकऱ्यांच्या शेतावर भेटीचे आयोजन करून विविध विषयांवर शेतकरी बांधवांना मार्गदर्शन केले. यावेळी विविध पिकावर आलेल्या किडीं व रोगांबाबत शास्त्रज्ञांनी सविस्तर मार्गदर्शन केले. यावेळी मोसंबी मधील फळगळ, मोसंबीतील कोळीचे व्यवस्थापन, कापूस पिकातील रस शोषण करणाऱ्या किडी, तुर पिकातील कीड व्यवस्थापन, आंबा पिकातील खोडकिडा तसेच मँगो मालफॉर्मेशन इत्यादी विविध कीड व रोगांविषयी शास्त्रज्ञा मार्फत शेतकरी बांधवांना मार्गदर्शन करण्यात आले.
या भेटीदरम्यान मा.श्री.वसंतराव कातबने, मा.श्री.नानासाहेब बोंबले मा.श्री.महेश बोंबले, मा.श्री.ज्ञानेश्वर बोंबले, मा.श्री.गोरखनाथ बोबडे, मा.श्री.नागरगोजे सर, मा.श्री.मनोज शिंदे, मा.श्री.अशोक बोबडे, मा.श्री.नारायण बोबडे, मा.श्री.योगेश बोबडे, मा.श्री.काळे सर, मा.श्री.आकृर गलधर यांच्यासह विविध गावातील शेतकरी बांधव सहभागी होते. ज्यांनी कीड व रोग व्यवस्थापनाचे आपले अनुभव उपस्थित शास्त्रज्ञांना सांगतीले व या भेटीदरम्यान सांगण्यात आलेले तंत्रज्ञान त्यांना नक्कीच फायदेशीर ठरेल असेही त्यांनी यावेळी सांगितले.
कृषि विज्ञान केंद्र, पैठण रोड, छत्रपती संभाजीनगर द्वारे घेण्यात येणाऱ्या विविध कार्यक्रमांची माहिती मिळविण्यासाठी आमच्या ब्लॉग तसेच फेसबुक पेजला फॉलो करा तसेच आमच्या युट्युब चॅनेल ला सबस्क्राईब करा....
केव्हीके,छत्रपती संभाजीनगर चे कार्यलयीन युट्युब चॅनेल :
www.youtube.com/@KVKChhatrapatiSambhajinagar
केव्हीके,छत्रपती संभाजीनगर चे कार्यलयीन फेसबुक पेज :
No comments:
Post a Comment