मा.डॉ.धर्मेद्र सारस्वत, प्राध्यापक, परड्यु विद्यापीठ, इंडियाना स्टेट, अमेरिका यांची केव्हीके,छत्रपती संभाजीनगर-१ येथे भेट

मा.डॉ.धर्मेद्र सारस्वत, प्राध्यापक, परड्यु विद्यापीठ, इंडियाना स्टेट, अमेरिका यांची केव्हीके,छत्रपती संभाजीनगर-१ येथे भेट

दिनांक २४ जानेवारी, २०२५ रोजी मा.डॉ.धर्मेंद्र सारस्वत, प्राध्यापक, कृषी आणि जैविक अभियांत्रिकी विभाग, परड्यु विद्यापीठ, इंडियाना स्टेट, अमेरिका यांनी केव्हीके, पैठण रोड, छत्रपती संभाजीनगर ला भेट दिली. यावेळी त्यांनी केव्हीकेच्या विविध उपक्रमांची सविस्तर माहिती घेतली.

केव्हीके, पैठण रोड, छत्रपती संभाजीनगर येथे सुरू असलेले विविध विस्तार कार्यक्रम, सुविधा तसेच निविष्ठा निर्मिती व विक्री इत्यादी सुविधा या खूपच उपयुक्त असून शेतकरी बांधवांना याचा नक्कीच फायदा होईल त्यामुळे कृषी तंत्रज्ञान प्रसारात केव्हीके अविभाज्य आणि महत्वपूर्ण कार्य करत आहे, असे मत मा.डॉ.धर्मेंद्र सारस्वत यांनी यावेळी व्यक्त केले.

  

डॉ.सारस्वत यांचे कृषी आणि जैविक अभियांत्रिकी विभागात महत्वपूर्ण योगदान असून त्यांना त्यांच्या कार्यासाठी विविध पुरस्काराने सन्मानित करण्यात आलेले आहे.

यावेळी केव्हीके च्या कार्यक्रम समन्वयक डॉ.दिप्ती पाटगावकर यांनी केव्हीकेच्या वतीने मा.डॉ.सारस्वत यांचे स्वागत केले. यावेळी विषय विशेषज्ञ इंजि.गीता यादव, डॉ.अनिता जिंतूरकर, डॉ.बस्वराज पिसुरे, डॉ.संजूला भावर, श्री.अशोक निर्वळ, श्रीमती.पौर्णिमा माने, श्री.विवेक पतंगे, श्री.किशोर शेरे, श्री.लक्ष्मण शिंदे, श्रीमती.सविता मानकर, श्री सतीश कदम, श्री.जयदेव सिंगल, श्री.जयदीप बनसोडे यांच्यासमवेत कार्यालयातील सर्वच अधिकारी कर्मचारी उपस्थिती होते.