गणोरी येथे महिला शेतकरी मेळावा संपन्न

शाश्वत कापूस उत्पादनासाठी एकात्मिक आणि सुधारित लागवड तंत्रज्ञानाचा अवलंब करावा - डॉ.बस्वराज पिसुरे

सेवा,एनजीओ, छत्रपती संभाजीनगर आणि कॉटन कनेक्ट, छत्रपती संभाजीनगर यांच्या संयुक्त विद्यमाने दिनांक २२ जानेवारी, २०२५ रोजी गणोरी, ता.फुलंब्री, जि. छत्रपती संभाजीनगर येथे महिला शेतकरी मेळावा आयोजित करण्यात आला होता. यावेळी शाश्वत कापूस लागवड तंत्रज्ञान या विषयावर प्रमुख मार्गदर्शक म्हणून डॉ.बस्वराज पिसुरे, विषय विशेषज्ञ (विस्तार शिक्षण), केव्हीके, पैठण रोड, छत्रपती संभाजीनगर यांनी मार्गदर्शन केले. यावेळी त्यांनी कापूस सुधारित लागवड तंत्रज्ञान, एकात्मिक कीड-रोग व्यवस्थापन, अति घन आणि घन लागवड तंत्रज्ञान, दादा लाड लागवड तंत्रज्ञान आणि फरदड व्यवस्थापन या विषयावर सविस्तर मार्गदर्शन केले.

यावेळी कार्यक्रमाच्या अध्यक्ष म्हणून गणोरी गावच्या सरपंच श्रीमती.सरलाताई तांदळे यांची उपस्थिती होती. तसेच यावेळी महाबीज च्या जिल्हा व्यवस्थापक श्रीमती.स्वाती मगर, कॉटन कनेक्टच्या श्रीमती.मनीषा टेकाळे, स्त्रीरोग तज्ञ डॉ.दुर्गा तांदळे, सेवा संस्थेचे राज्य समन्वयक श्री.मुंजा रेंगे, कृषी पर्यवेक्षक श्री.दोंडे सर, कृषी सहायक श्री.अजमेरा सर आदी मान्यवरांची उपस्थिती होती. यावेळी महिला शेतकरी आणि उद्योजक मोठ्या संख्येने उपस्थित होत्या.