"माझा एक दिवस माझ्या बळीराजसोबत" कार्यक्रम संपन्न
दिनांक: १२ नोव्हेंबर,२०२५
वसंतराव नाईक मराठवाडा कृषि विद्यापीठ, परभणीचे सन्मानीय कुलगुरू मा.डॉ.इंद्र मणि यांच्या संकल्पनेतून आणि सन्माननीय संचालक विस्तार शिक्षण मा.डॉ.राकेश अहिरे यांच्या मार्गदर्शनाखाली प्रत्येक महिन्याच्या दुसऱ्या बुधवारी "माझा एक दिवस माझ्या बळीराजसोबत" हे अभियान राबविण्यात येते. यामध्ये विद्यापीठाचे मा.कुलगुरू सहित प्रत्येक विभागाचे अधिकारी कर्मचारी हे शेतकऱ्यांच्या बांधावर जाऊन शेतकऱ्यांसोबत दिवसभर चर्चा करून मार्गदर्शन करतात. याचाच भाग म्हणून दिनांक १२ नोव्हेंबर, २०२५ रोजी कृषि विज्ञान केंद्र, पैठण रोड, छत्रपती संभाजीनगर यांच्याद्वारे केंद्राच्या प्रमुख शास्त्रज्ञ मा.डॉ.दिप्ती पाटगावकर यांच्या पुढाकारातुन पैठण तालुक्यातील मौजे म्हारोळा येथे शेतकरी भेट व मार्गदर्शन कार्यक्रम घेण्यात आला. यावेळी केव्हीके, छत्रपती संभाजीनगर-१ यांच्या तांत्रिक मार्गदर्शनाखाली मा.श्रीमती.कालिंदा जाधव यांनी सुरू केलेल्या कृषी प्रक्रिया उद्योग, मा.श्रीमती.अलका जाधव यांच्या प्रक्रिया युनिट, मा.श्रीमती.शीतल जाधव यांचे शेळीपालन युनिट इत्यादीला भेट देऊन त्यांच्या कार्याबद्दल चर्चा करण्यात आली.
यावेळी डॉ.दिप्ती पाटगावकर यांनी अन्न प्रकिया उद्योग बद्दल माहिती दिली. यावेळी त्यांनी विविध पदार्थ निर्मिती, त्याबद्दलचे योग्य प्रशिक्षण घेण्याचे महत्व आणि त्यांचे मार्केटिंग करताना घ्यावयाच्या बाबी याबद्दल सविस्तर मार्गदर्शन केले. तसेच शेतकरी बंधू भगिनींना प्रक्रिया बद्दल सविस्तर प्रशिक्षण हे विनामूल्य देण्यासाठी केव्हीके, छत्रपती संभाजीनगर-१ सदैव उपलब्ध आहे. त्यामुळे जास्तीत जास्त शेतकरी बंधू भगिनींनी याचा फायदा घ्यावा.
म्हारोळा फूड प्रॉडक्ट्स अंतर्गत तयार करण्यात येणाऱ्या समर्थ इन्स्टंट डाळ बट्टी आटा, राजगिरा पीठ, भगर पीठ, पौष्टिक ढोकळा आटा, साबुदाणा पीठ व इतर उत्पादनांची माहिती श्रीमती.कालिंदा जाधव यांनी उपस्थितांना दिली.
यावेळी केव्हीकेच्या पशुसंवर्धन व दुग्धशास्त्र विभागाच्या विषय विशेषज्ञ डॉ.अनिता जिंतूरकर यांनी माझा एक दिवस माझ्या बळीराजासोबत या अभियानबद्दल सविस्तर माहिती दिली. तसेच दुग्ध प्रकिया उद्योग, कुक्कुटपालन, शेळीपालन या उद्योगाबद्दल आणि त्यातील संधी याबद्दल सविस्तर मार्गदर्शन केले. यासाठी शासनाच्या योजना आणि केव्हीके द्वारे घडविण्यात आलेले दुग्ध प्रकिया उद्योजक यांची सविस्तर माहिती दिली. आणि याकडे शेतकऱ्यांनी वळावे असे सांगितले.
यावेळी केव्हीकेचे विस्तार शिक्षण विभागाचे विषय विशेषज्ञ डॉ.बस्वराज पिसुरे यांनी सद्य परिस्थितीत कापूस पिकाचे व्यवस्थापन, कापूस पऱ्हाटी व्यवस्थापन आणि कुट्टीचे महत्व याबद्दल माहिती दिली. तसेच हरभरा पीक लागवड तंत्रज्ञान याबद्दल सविस्तर मार्गदर्शन केले.
यावेळी गावातील महिला शेतकरी, महिला उद्योजक आणि शेतकरी बांधव उपस्थित होते. तसेच यावेळी देण्यात आलेली माहिती नक्कीच फायद्याची ठरणार असल्याचे यावेळी उपस्थितांनी मत व्यक्त केले व या उल्लेखनीय उपक्रमाबद्दल सर्वांनी खूप समाधान व्यक्त केले.
कृषि विज्ञान केंद्र, पैठण रोड, छत्रपती संभाजीनगर द्वारे घेण्यात येणाऱ्या विविध कार्यक्रमांची माहिती मिळविण्यासाठी आमच्या ब्लॉग तसेच फेसबुक पेजला फॉलो करा तसेच आमच्या युट्युब चॅनेल ला सबस्क्राईब करा....
केव्हीके,छत्रपती संभाजीनगर चे कार्यलयीन युट्युब चॅनेल :
www.youtube.com/@KVKChhatrapatiSambhajinagar
केव्हीके,छत्रपती संभाजीनगर चे कार्यलयीन फेसबुक पेज :
No comments:
Post a Comment